2 vikur

Jæja Monterey var aldeilis skemmtilegt,  2 tíma keyrsla þangað varð að 4 tíma keyrslu vegna umferðatafa, en við þrjár skemmtum okkur vel á leiðinni og sungum með tónlist og spjölluðum. Það var gaman að upplifa Thanksgiving, Sarah stóð sig aldeilis vel í eldhúsinu og eldaði þennan snilldar kalkún fyrir okkur með hjálp mömmu sinnar og svo var allskonar góðgæti með einsog kartöflustappa, cranberry sósa, brún sósa.. yams sem eru svona einsog sætar kartöflur, og epla síter með :)  Í eftirrétt var síðan AppleCrisp sem er BTW ÓGEÐSLEGA GOTT! og pumpkin pie :)  þannig þetta var bara mjög gaman, en samt ekkert mikið öðrvísi en ég bjóst við :)

Laugardagarnir hafa auðvitað haldið sér með Brynju Völu í allskonar skemmtunum, fórum í bíó í gær með Heiðrúnu líka á Christmas Carol í 3D, Vá hvað það er gaman að fara á 3D myndir… ég hrökk nokkru sinnum við því mér fannst fólkið bara vera fara snerta mig, dáldið scary en hrikalega töff!

í dag eru 2 vikur í brottför til Íslands, og 10 skóladagar eftir af skólanum, það verður nóg að gera þessar síðustu tvær vikur þó ég sé á góðri leið með öll lokaverkefnin, þarf bara fínpússa og klára og skella í prentun og bindingu :)  Svo er ég að selja Rúmmið mitt og kommóðuna.. farin að huga að því… Ég er komin í svo mikið jólaskap að það er erfitt að einbeita sér að heimalærdómnum ! Þó að það sé ekkert rosalega jólalegt hérna, jújú einhverjar búðir með jólaskraut og jólaljós en það vantar allan snjóinn :) verður svo gaman að koma heim 2 dögum fyrir jól beint til fjölskyldunnar og í jólaölið og smákökurnar og góða matinn :D, Jón Haukur ætlar að koma og sækja mig á flugvöllinn, úff það verður sko gaman að hitta hann aftur  :) Ætla síðan að vera á áramótunum á Ísafirði hjá honum og fjölskyldunni hans :) verður æði!

En jæja ætlaði bara rétt að henda inn nokkrum línum fyrir fólkið sem virðist kíkja hingað inn þó ég sé léleg að blogga…

Jóla skóla kveðja
Rut

meiðsli, skóli, frídagar, bíó….

wow gerði mér ekki grein fyrir hvað margir kíkja hér á dag og hvað ég er lélegur bloggari, úbbbbbs

Annars þá fannst mér tilvalið að blogga þar sem ég sit uppí rúmmi með aðra löppina uppá kodda, mér tókst að skrifa sms í morgun og labba niður stiga og halda að stiginn væri búinn þannig ég datt og snéri ökklann og vinstri löppin er algjörlega ónothæf, ótrúlegt hvað ég sé núna hvað ég er háð að hafa báðar lappirnar í lagi!!  Þannig ég er búin að taka því semí rólega í dag og bryðja verkjatöflur. Ég sem ætlaði að vera útum allan bæ og taka myndir.

Myndir fyrir ljósmyndaverkefni sem ég er að fara skila á miðvikudaginn, við eigum semsagt að velja lag og búa til geisladiskahulstur, taka 11 myndir og setja í bækling og búa til diskinn og allt. Ég valdi mér “to be free” með Emeliönu Torrini, æðislegt lag. Ég næ nú að klára þetta á morgun, á eftir að taka nokkrar myndir og er alveg með hugmynd þannig ég hoppa á “einari” af stað og redda þessu.

Síðustu vikur hafa verið mjög góðar, ég er búin að vera mjög skipulögð í lærdómnum og læra vel fyrir tímann sem ég auðvitað græði á því að stressa mig ekki upp, en það er nú búið að vera semí rólegt en nú er þetta að byrja, þarf að skrifa tvær bækur fyrir sögu og setja í prentun, skila því í lok annar, held að það sé svona stærsta lokaverkefnið, svo eru það bara process bækur með verkefnum annarinnar og svona og lokapróf.

Það eru 4 vikur í að ég komi heim, það er þorláksmessa eftir akkúrat mánuð og fyrsti í aðventu er á næsta sunnudag. Þessi önn er búin að líða rosalega hratt, hef alltaf haft það sem reglu að við Heiðrún hittumst á miðvikudögum, tökum smá pásu á lærdómnum og mér finnst við alltaf vera hittast,  ætli það sé ekki að tíminn fljúgi þegar það er gaman… eða nóg að gera. Svo er ég búin að hafa það sem reglu síðustu vikur að hafa alltaf Laugardaginn fríann, þá hitti ég Brynju Völu. Annaðhvort fer ég yfir til hennar til Richmond eða hún kemur hingað, við bröllum alltaf eitthvað skemmtilegt…. skoðum búðir, skoðuðum skautasvellið á síðustu helgi, kíktum á hús Robbie Williams, fara á “kveikja á jólatré” hátíðir, förum í bíó. Talandi um bíó fór á Twilight á síðustu helgi, úfff ég mæli sko með henni hún er svakalega góð og extra góð fyrir stelpur! :)

En jæja þetta er farið að vera langloka,  ég er að fara á miðvikudaginn til Monterey með Söruh og Elínu til að upplifa alvöru Thanksgiving!! jiii hvað ég er spennt enda er meir en mánuður síðan við ákváðum þetta og loksins er komið að þessu. Verður gaman ég verð auðvitað með myndavélina á lofti og dæli inn myndunum þegar ég kem heim!

En jæja spurning að vera duglegri að blogga, var hissa að sjá hvað margir kíkja hérna inn.

kveðja Rut

Sma prufa

Humm er þetta Ad virka fint ???? Baaah fimm vikur eftir af skólanum og brjálað að gera og eg er löt að blogga…

ekki fleiri góðborgarar :(

Ég var hjá kaupmanninum á horninu í dag, – eða svona lítil kaffisjoppa…. og var að fara borga þegar afgreiðslumaðurinn spyr hvaðan ég sé… ((Já það er frekar vinsæl spurning, greinilega augljóst maður er ekki frá USA ))  En já ég segi að ég sé frá Íslandi þá sagði hann “aaaa you don’t have Mc’Donalds anymore”

Jább ekki lengi að fréttast um heiminn….

En skil samt ekki afhverju mér finnst leiðilegt að mc donalds sé að hætta á Íslandi, hef 1x farið á þennan stað hérna úti í þynnku… en jú kannski…. McDonalds bjargar þynnkunni  :)

fréttir að handan :)

Jæja enn ein lærihelgin í gangi, þetta hlítur nú að fara taka enda þó ég sjái ekki fyrir endann á þessu :S

En ég ætla reyna allt sem ég get að vera EXTRA dugleg að læra í vikunni og eiga allavega laugardaginn frí, ég og Brynja Vala ætlum að gera okkur glaðan dag og fara á Cheescake factory og kannski í nokkrar búðir í tilefni prófloka. Elín og Heiðrún ætla skella sér til Los Angeles!!!, ég vona að þær taki mynd af öllu fræga fólkinu þar :) !! Það er Halloween á næstu helgi, ég er fegin að vera ekki alveg ein, fólk er fyrir löngu byrjað að skreyta húsin sín með köngulóm og vefjum og graskerum og leiðurblökum og ógeði :(  er ekki mikið fyrir svona scary dót :)

Svo fer alveg að koma að því að tímamismuninum verður breytt… þá er ég enn lengur á eftir ykkur -8 tímar í staðin fyrir -7.. verð að viðurkenna að mér finnst hann dáldið óþægilegur uppá að tala við  fjölskylduna, vini og kærastann en þetta bara fylgir því að búa uppí skýjunum :)

Já, svo fæ ég kannski að upplifa ALVÖRU THANKS GIVING!!  Sarah vinkona okkar sem er með okkur í bekk er frá Monterey ( um 3 tíma akstur héðan)  og hún er sjúk að bjóða okkur heim til sín þangað og leyfa okkur að upplifa þetta með sér, eina sem ég man eftir að hún taldi upp að það yrði  kalkúnn, auðvitað :) þetta er víst ALGJÖR át veisla og þvílík stemming og stuð!! Þannig ef það verður af þessu þá er ég ÞVÍLÍKT spennt :)

Annars já auðvitað allt gott að frétta sólin lætur sjá sig alla daga! Midterms þýða að ég er hálfnuð hér úti :S Blendnar tilfinningar með það en ég er ekkert smá spennt fyrir jólunum, eins og vinir mínir vita er ég aaalgjört jólabarn.. ég bara trúi ekki að þetta ár sé að verða búið. Árið sem ég bjó í 9 mánuði af 12, í Bandaríkjunum!! :D gæti bara ekki verið betra !!!

En jæja ég ætla segja góða nótt, þið eruð eflaust að vakna… :)  auðvitað fylgja nokkrar myndir með :P

Svona er alltaf kósý hjá mér þegar ég læri.. kertaljós og svona…   eða humm kannski ekki alltaf…

Calligraphy..skrautskrift, þetta eru mjög langdregnir tímar því það tekur
svo langann tíma að teikna “umgjörðina” fyrir hvert verkefni, en endar svo
á því að verða bara nokkuð flott ef maður vandar sig og gerir þetta 100%

oooog auðvitað ein mynd af mér í lokin því ég var að kúra í dúnsokkunum :)

Prófatörn

Jæja nú er prófatörnin byrjuð og þessi helgi hefur algjörlega farið í lærdóm,

Ég er orðin svakalega stressuð hvað skólinn er orðinn erfiður eeen ég ætla mér að rúlla þessu upp,  ég var farin að finna fyrir svakalegu stressi í síðustu viku og ákvað að búa mér til tveggja vikna plan með post-it miðum og það er strax farið að hjálpa mér, held það sé alveg nauðsynlegt að hafa svona þar sem lærdómurinn æpir á mann og svo er alltaf gaman að taka post-it miðann niður þegar það verkefni er búið :)  nú verður ekki lengur allt gert á síðustu stundu þó að sumir heimlærdómar geti alveg gerst deginum fyrir….

Hér er mynd af listaverkinu mínu og ég er að segja ykkur það að þetta hjálpar,   maður er stressaður að það sé brjálað að gera en svo setur maður þetta upp og deilir þessu niður á dagana þá reddast allt.

Það er semsagt sögupróf á þriðjudaginn. Fyrir framan mig er ég með umþabil 90 myndir og ef ég man rétt þá eru það um 20 myndir sem koma á prófinu og ég á að skrifa hvað er á þeim og frá hvaða tímabili þetta er og svona, og þetta eru myndir sem eru vel fyrir krist og svona, rosa gaman.. Er á fullu að reyna hafa áhuga á þessu en saga hefur aldrei verið mín sterkasta hlið.

Fyrir ljómyndaáfangann eru það 3 myndir sem við eigum að stækka upp í 11×18 inch… eða allt að 6 litlar myndir sem eiga að sýna sögu. Mig langar dáldið að gera þrjár stórar, eiga þrjár stórar geðveikar myndir eftir mig. en þessar þrjár þurfa vera GEGGJAÐAR. Outstanding !!  ég ætla allavega reyna, sjá hvað kennarinn segir annars breyti ég bara yfir í söguþemað…

Já svo er calligraphy próf á fimmtudaginn, hef aðeins minni áhyggjur af því…

Þannig mjög erfið vika framundan og ég vona að hún verði fljót að líða og að ég rústi þessum prófum auðvitað :)

p.s mig langar í jól í dós :P

Days go by…

vá þetta var löng nótt í nótt… kl 16 byrjaði ég á verkefni sem lauk kl 5 um nóttina, með smá klúðri og endurtekningum hafðist þetta á endanum, skrautskrift… alveg ágætur áfangi, Kennarinn okkar er um 85 ára og mjög andfúll, en hann skrifar rooosalega vel, allar þessar krullur og glingur sem hann kann að gera.

Fyrir þennan tíma áttum við að kaupa spes rúðustrikað blað fyrir skrautskrift, allskonar “pen holders” og blek og allskonar stærðir af svona “nibbum” framaná til að skrifa skrautskriftina með… í hverjum einasta tíma er kennarinn með “demo” fyrir okkur og frekar pirrandi hann notar okkar dót, og eyðir okkar blöðum og blekum…  byrjar alltaf tímann á “jáá mér vantar blað og blek og nib númer 3 og og og…”

Í dag þá ákvað hann að gera við okkur díl  ” Hvernig væri ef við myndum sleppa  frímínútum og ef ég næ að fara yfir efnið fyrr þá fái þið að fara, en ef ekki þá fái þið að fara á réttum tíma”  uuu já kennari GÓÐUR díll….  haha, en fengum að fara 10 min fyrr.. haha, gleði

Annars er ég ekki að trúa að það sé föstudagur á morgun, tíminn er að líða svo hratt, ég skrifa það örugglega í hverja einustu færslu hjá mér… vá sko…

En í dag er San Francisco earthquake day, kl 10:15 í morgun fór viðvaranarkerfi borgarinnar í gang og allir áttu að leggjast í götuna eða fara undir borð og eitthvað, en þetta var auðvitað bara æfing,  ég tók fullan þátt í þessum degi og lá uppí rúmi, enda fór ég að sofa kl 5 og þá má vera ennþá uppí rúmi kl 10:15  hehe…

En jæja er búin að blaðra nóg…

…

Já þetta er aldeilis búið að vera blautur dagur í dag,

Ég var vöknuð eitthvað rúmlega 3 í nótt í látunum í veðrinu… náði að sofna aftur til svona 5-6 og þá var ég glaðvöknuð aftur… fyrsta óveðrið sem skellur á hérna og með þessari svakalegu rigningu.

Ég fór svo mikið að hugsa um heimilislausa fólkið sem er hér útum allt… ég hélt að þetta yrði rosalega erfitt að koma hingað út og sjá allt fólkið en þetta er auðveldara en ég hélt, en á svona dögum og þegar það er mikil rigning og vindur þá hugsa ég til þeirra..  veit ekki hvort ég hef sagt það áður en það eru 300.000 manns heimilislausir á Bay Area svæðinu sem eru jafn margir og ALLIR á Íslandi… freekar sorglegt…

Hér eru tvær myndir af veðrinu sem var í nótt og í dag…

Ekki óalgeng sjón hér úti :(

Daglegt líf

Baaaah ég er með samviskubit hvað margir kíkja hérna inn á dag og hvað ég er léleg að setja eitthvað hérna inn.

Allavega þá er bara allt æðislegt að frétta, brjálað að gera í skólanum og ég þakka fyrir hvern dag sem ég kem heim úr honum að ég hafi lifað tímann af ;) Neinei kannski ekki svo slæmt en það eru tveir tímar í viku sem ég þakka í alvöru fyrir það. En ég skal rúlla þessu upp með stæl, meirasegja verkefnin í öðrum eru frekar spennandi, á að gera tvær bækur sem ég held að eigi eftir að verða dáldið flottar :)

Annars er sko aldeilis farið að hausta hérna, ég er að frjósa á daginn og fór í dúnvestinu í skólann og út í dag… og eyði öllum dögunum í dúnsokkunum góðu :) Það er einhver svaka stormviðvörun í gangi, rest af einhverjum fellibyl sem varð 5 manns að bana er að koma upp að ströndinni í fyrramálið, spurning samt hvort þetta sé eins slæmt og þeir segja, við Víkingarnir erum öllu vanir :)!

Er að fara taka myndir fyrir ljósmyndatímann á miðvikudaginn og er að spá í að hafa þemað “vatn” þannig ég kannski reyni að fara út með myndavélina og mynda þessi ósköp :)

Svo er ég búin að panta flug heim til Íslands um jólin, Sunnudaginn 20 Desember legg af stað héðan 6:15 frá San Francisco, flýg til Seattle og chilla þar í um 6 tíma og flýg þaðan kl 15:15 og lendi á Íslandi 6:14 um morguninn 21 Desember þannig 24 tíma ferðalag, hef nú flogið þetta þrisvar áður þannig þetta er ekkert að koma á óvart :) Verður bara gaman að koma heim í jólin og gleðina og jólasteikina og malt og appelsín :) rúmar 9 vikur í þetta sem ég veit að á eftir að líða alltof fljótt  :S
Þannig Sara þarf ekki að hafa áhyggjur að fá hjartaáfall í þetta skiptið;) verða engin surprise!

Annars þá koma MidTerms eftir þessa viku, úff þá er einsgott að standa sig :)

Hey ég fór í bíó um helgina á Invention of lying! mæli með að allir sjái hana, hún er æði!! sé hana samt ekki undir væntanlegar myndir á midi.is. en þið reddið því, ég hló ALLA myndina!

Jæja ætla vera duglegri að setja eitthvað hingað inn þó þið sökkið í kommentunum :)

nokkrar photobooth myndir :P

Ég ekkert smá hamingjusöm samt með vestið :)

við hressar síðustu helgi,

ooog ein af mér og Elínu í tíma :)

ómægad lífi mínu er bjargað

ÉG VANN!!!
Ég var að fá þetta sent í e-mail, ég sver

Ticket Number:194463-85

This email is to notify you that you have won the Sum of 1,000,000 Euros in an E-mail program.

1.Reference Number:YOT/35/20/61
2.BATCH NUMBER:36/957/GHW
3.Ticket Number:194463-85

Contact the claim officer with your winning references and for more informations.
Dr.Roy Bosman.
Tel:00 31 643 822 725.
Email:drroybosman@gmail.com

Congratulations!
Yours Sincerely,
Mrs.Suzan Rusland.

riiiiiiiiight!